Bakı Şəhər Halqası yarışın könüllülərini qeyri-adi formada təbrik edib
3 fevral 2018

Bakı Şəhər Halqası Əməliyyat Şirkəti (BŞH) “2 fevral – Gənclər günü” münasibətilə dənizkənarı bulvarda “Yeddi gözəl” fəvvarəsinin qarşısında Formula 1 Azərbaycan Qran Prisinin könüllülərinin şərəfinə yeni instalyasiya quraşdırıb.

Açılışı əlamətdar gündə baş tutan instalyasiyada ingilis dilində “Biz Formula 1 Bakı könüllülərini sevirik!” (We love #F1BakuVolunteers) yazısı əks olunub.

Açılış mərasimində 2018 Formula 1 Azərbaycan Qran Prisinin könüllüləri ilə yanaşı onları yarışa hazırlayan BŞH-nin İşçi Qüvvəsi komandası iştirak edib.

Könüllülərə həsr olunmuş bu instalyasiyanın dənizkənarı bulvarı ziyarət edən turistlərin, o cümlədən Formula 1 azarkeşlərinin qarşısında ən çox şəkil çəkdiyi əsas instalyasiyalardan birinə çevriləcəyi gözlənilir.