Builki yarış “FORMULA 1 SOCAR AZƏRBAYCAN QRAN PRİSİ-2019” adı altında keçiriləcək

Azərbaycan Respublikası Dövlət Neft Şirkəti (SOCAR) 26-28 aprel 2019-cu il tarixlərində Bakıda növbəti dəfə keçiriləcək Formula 1 yarışının titul tərəfdaşıdır.

SOCAR Formula 1 kimi dünya səviyyəli bir tədbirdə tərəfdaş kimi çıxış etməklə beynəlxalq səviyyədə milyonlarla avtoidman azarkeşinə öz brendini tanıdacaqdır. 

Şirkətin adı yarışın adına əlavə olunacaq və yarışlar beynəlxalq avtoidman auditoriyasına canlı təqdim olunacaq. 

Azərbaycanda Formula 1 yarışının təşkilatçısı Bakı Şəhər Halqası Əməliyyat Şirkəti (BŞH) ölkə daxilində və xaricində idmanın inkişafına daim dəstək göstərməsi ilə fərqlənən aparıcı dövlət şirkəti olan SOCAR-la belə bir tərəfdaşlıqdan böyük məmnunluq duyur.