İxtisaslaşmış ingilis dili təliminə qeydiyyat başlanıb

Bakı Şəhər Halqası Əməliyyat Şirkəti (BŞH) Azərbaycanda baş tutmuş Formula 1 yarışlarının akkreditasiyalı jurnalistləri və fotoqrafları üçün təşkil etdiyi ixtisaslaşmış ingilis dili təliminə qeydiyata bu gün start verib.

Təlimə media nümayəndələrinin qeydiyyatı noyabrın 15-dək davam edəcək.

İngilis dili təlimi 25 noyabr 2019-cu il tarixində başlayacaq və 15 mart 2020-ci ildə başa çatacaq. Qeydiyyat üçün edilmiş müraciətlərin nəticələri isə noyabrın 20-də elan olunacaq.

Media nümayəndələri qeydiyyat üçün müvafiq anketi doldurmalı və onunla birlikdə digər zəruri sənədlərin elektron surətlərini anketdə qeyd olunmuş email ünvanına göndərməlidirlər.