İnformasiya

Tədbir bələdçiniz
Tövsiyələr

Biletlər və təkrar giriş qaydaları

Biletlər

Formula 1 Azərbaycan Qran Prisi 2022-yə üç yolla bilet almaq mümkündür: 1) Bakıda yerləşən bilet satış nöqtələrindən; 2) yarış günlərində təhlükəsizlik perimetri xaricində yerləşən bilet kassalarından və 3) onlayn şəkildə bakucitycircuit.com rəsmi saytından.

Bütün vauçerlər/alışı təsdiq edən qəbzlər e-biletlərə dəyişilməlidir. Alıcılar e-biletləri həmçinin bakucitycircuit.com veb-saytındakı şəxsi hesablarından da endirə bilərlər. Vauçerlərin biletə harada və nə zaman dəyişdirilməsi barədə məlumat yarış həftəsonuna az müddət qalmış rəsmi veb-saytımızda, abunə olduğunuz xəbər məktublarında və sosial media kanallarımızda elan ediləcək.
Girişdə cari yarış günü üçün etibarlı olan bileti və şəxsiyyət vəsiqənizi təqdim etməlisiniz. Hər bilet yalnız 1 gün ərzində etibarlıdır. Xahiş olunur, düzgün bileti təqdim etdiyinizə əmin olasınız.
Hər bir biletin üzərində barkod olduğu üçün öz elektron biletlərinizi digərləri ilə bölüşməyin. Əgər eyni biletin birdən artıq nüsxəsi təqdim olunarsa bu zaman yalnız ilk bilet keçərli hesab ediləcək.
Yalnız 4 günlük bilətlərlə (cümə axşamı, cümə, şənbə, bazar) siz hər gün Azarkeş Zonasına, habelə cümə axşamı baş tutacaq Pit Leyn Gəzintisinə giriş əldə edirsiniz.
Bir və iki günlük biletlərlə siz yalnız biletdə göstərilən tarixlərdə Azarkeş Zonasına və konsertlərə giriş əldə edirsiniz. Cümə axşamı baş tutacaq Pit Leyn Gəzintisi bu biletlərə daxil deyil.
İki yaşından kiçik uşaqlara bilet tələb olunmur. Bu zaman uşaq valideyninin və ya onu müşayiət edən şəxsin qucağında oturmalı, əlavə oturacağı məşğul etməməlidir.
18 yaşından kiçik bütün tamaşaçılar valideyn və ya 18 yaşından böyük qəyyumla, şəxsiyyət vəsiqəsi və bileti təqdim etməklə yarış həftəsonuna qatıla bilərlər.
Endirimlə alınmış yerli böyük, beynəlxalq və yerli uşaq biletlərinin (2-16 yaş arası) sahibləri şəxsiyyət vəsiqələrini təqdim etməlidirlər.
Biletlər (növləri və qiymətləri) haqqında daha ətraflı məlumat almaq üçün rəsmi veb-saytımızda Tribunalar Bölümünü ziyarət edin.

Vacib:

Uşağınızın və özünüzün şəxsiyyət vəsiqəsini götürdüyünüzə əmin olun. Girişdə sizdən şəxsiyyət vəsiqənizi göstərməyiniz tələb oluna bilər.
Girişdə yüksək təhlükəsizlik sistemindən keçəcəyinizi unutmayın. Nəzərə alın ki, bu zaman kifayət qədər vaxtınızı sərf etməli olacaqsınız.
Dostunuzun və ya ailə üzvlərinizin sizinlə yarışa gələ bilməyini və xoş vaxt keçirməyini istəyirsinizsə, bilet almaq üçün heç vaxt gec deyil. Bütün giriş qapılarında Bilet Satış Məntəqələri fəaliyyət göstərəcək.
Bundan başqa, biletlər şəhərin müxtəlif yerlərində fəaliyyət göstərən bilet satış mərkəzlərində satılır. Burada siz həmçinin vauçerinizi real çap olunmuş biletlərə dəyişə bilərsiniz.

Təkrar giriş qaydaları

Əyləncə zonasına təkrar giriş qaydaları::

Əyləncə zonasına etibarlı biletlə daxil olduğunuz zaman əməkdaşlarımız tərəfindən qolunuza biləklik taxılacaq.
Sizə verilən biləklik gün ərzində biləyinizdə olmalıdır və çıxarıldığı anda etibarsız olur. Bu səbəbdən sizdən onu çıxarmamağınızı xahiş edirik. Gün ərzində Əyləncə Zonasını tərk etdikdə təkrar giriş üçün etibarlı biletlə yanaşı bu biləklik də qolunuzda olmalıdır.

Məsləhətlər və qadağan olunmuş əşyalar

Nə gətirmək olar

Özünüzlə yalnız lazımi əşyaları götürməyə çalışın – pul, telefon, fotoaparatınız üçün əlavə batareya və s.

Əgər yağış yağacağına görə naratsınızsa, özünüzlə çətir gətirə bilərsiniz. Lakin nəzərə alın ki, tribunada oturarkən güclü yağıntı olmadığı müddətdə çətirləri qapalı saxlamalısınız.
Yağmurluqları və çətirləri Əyləncə Zonasında yerləşən Bakı Şəhər Trekinin rəsmi mağazalarından da əldə edə bilərsiniz.
Və əlbəttə, hər yarış gününə müvafiq biletinizi, özünüzün və övladınızın şəxsiyyət vəsiqəsini unutmayın.
Həmçinin, geniş çeşiddə yemək və içkiləri Əyləncə zonası boyu əldə edə bilərsiniz

Qadağan olunmuş əşyalar

Mülkiyyətə və şəxsiyyətə zərər vurmaq üçün istifadə oluna biləcək və ya trekə və ətraf əraziyə zərər vura bilən, eləcə də irqi zəmində təhlükə törədən, ictimai təhlükəsizlik qaydalarına zidd olan əşyalar, habelə kommersiya məqsədi daşıyan biletlər və ya məhsullar və təhlükəli sayılacaq hər hansı əşyalar qanunla qadağandır. Əyləncə zonasına daxil olacaq hər kəs xüsusi yoxlaşından keçəcək. İmtina edildiyi zaman heç bir kompensasiya ödənmədən zonaya girişə icazə verilməyə bilər. Əyləncə zonasına daxil olan zaman bəzi əşyaların gətirilməsinə icazə verilmir. Bu əşyaların siyahısını nəzərinizə çatdırırıq:

spirtli içki
içki konteynerləri (bir ədəd plastik qabda olan su istisna olmaqla: 100 ml-dən çox olmamaq şərti ilə)
yemək (uşaq yeməyi istisna)
heyvanlar (xidməti heyvanlardan başqa)
çətir
istənilən növ silah
pirotexnika və lazer işıqları
musiqi alətləri və səs cihazları
video cihazlar (peşəkar istifadə üçün)
linza ölçüsü 30 sm-dən böyük olan fotoaparatlar
istənilən növ oturacaq (stul, kətil)
böyük əşyalar (oturcağın altına yerləşməyəcək ölçülü olanlar)
dronlar
velosipedlər
skuterlər (uşaq skuterləri istisna olmaqla)
1 m-dən böyük olan və ya üzərində təhqiredici mətn, simvol və ya şəkillər olan bayraqlar
piknik əşyaları
zəhərli və tezalışan maddələr
resepti olmayan dərmanlar və Əyləncə Zonasına zərər vura biləcək və ya ictimai asayişi pozacaq istənilən əşyalar.

Fotoçəkiliş

Əyləncə Zonasına gətirəcəyiniz bütün avadanlıqlar kommersiya məqsədli deyil, sadəcə şəxsi istifadəniz üçün olmalıdır

Linza ölçüsü 30 sm-dən böyuk olan fotoaparatların Əyləncə Zonasına gətirilməsi qadağandır
Tamaşaçıların rahatlığı heç kəs tərəfindən pozula bilməz və sizdən foto çəkərkən anlayışlı olmağınız xahiş olunur
Mükəmməl foto çəkə biləcəyiniz çoxlu sayda yer var – Əyləncə Zonasını və Bakı Şəhər Trekini qarış-qarış gəzərək kəşf edin!

Əyləncə Zonasına gəliş

Ziyarətçilər üçün qapılar iyunun 9-u (cümə axşamı), 10-u (cümə), 11-i (şənbə) və 12-si (bazar) saat 10:00-da açılacaq. Bağlanış saatları: cümə axşamı, cümə və şənbə günləri saat 21:00-da, bazar günü isə saat 20:00-da. Xahiş edirik, müvafiq gün üçün doğru biletlə gəldiyinizə əmin olun.

Zonaya gəldiyiniz zaman biletinizi yoxlanış üçün hazır tutun. Əgər çantanız varsa, bütün çantaların təhlükəsizlik məqsədləri üçün yoxlanılacağını nəzərə alın. Xahiş edirik, biletiniz hər zaman üstünüzdə olsun
Qeyd: Girişdən tez keçmək istəyirsinizsə, zəruriyyət olmadığı təqdirdə çantanızı evdə qoymağınızı tövsiyə edirik.
Azyaşlılar da daxil olmaqla bütün tamaşaçıların bileti və şəxsiyyət vəsiqəsi üzərilərində olmalıdır. Əgər sizdə endirimli biletdirsə, bütün yerli vətəndaşlar və ya 2-16 yaş arası azyaşlılar üçün olan biletin həqiqiliyini yoxlamaq məqsədilə şəxsiyyət vəsiqənizi təqdim etməlisiniz
Hər girişdə bilet satış məntəqələri mövcuddur. Kənar şəxslərdən bilet almayın – bu biletlər saxta və ya artıq işlənmiş ola bilər.
Qeyd edək ki, biletləriniz bütün zonalara girişi təmin edir. Tövsiyə edirik ki, uzun sıralarda dayanmamaq üçün zonaya biletdə göstərilən girişdən daxil olasınız.
Əyləncə Zonasına girişlər haqqında ətraflı məlumat almaq üçün buradan xəritəyə baxa bilərsiniz

Uşaqlar

Uşaqları Əyləncə Zonasında görmək çox xoşdur, lakin onların ehtiyaclarına xüsusi diqqət yetirin. Xahiş edirik, onları insanların sıx olduğu yerlərdən, uzun məsafəli gəzintilərdən və yüksək səsdən uzaq tutun

Qulaq tıxacları və böyüklər üçün yağmurluqları Bakı Şəhər Trekinin Əyləncə Zonasında yerləşən rəsmi mağazalarından əldə etmək mümkündür
Uşaq arabaları və uşaq skuterlərini Əyləncə Zonasına gətirə bilərsiniz, lakin onların tribunalarda istifadəsinə icazə verilmir. Xahiş olunur, yaxınlıqda yerləşən Məlumat nöqtəsindən uşaq araba və skuterlərini harada saxlaya biləcəyiniz barədə məlumat alın.
Övladınız itdiyi təqdirdə ən yaxın Məlumat nöqtəsinə, təhlukəsizlik əməkdaşına və ya Əyləncə Zonası heyətindən olan istənilən işçiyə bu barədə məlumat verin.
Bənövşəyi Zona, Mavi Zona və Qırmızı Zonanın hər birində giriş qapılarına yaxın 2 məlumat məntəqəsi, Yaşıl Zonada isə 1 məlumat məntəqəsi mövcuddur.

Siqaret və zibil

Korporativ bokslar da daxil olmaqla tribunalarda, qapalı məkanlarda və ayaqüstü zonalarda siqaret çəkmək qadağandır. Xahiş edirik, tullantıları zibil qutularına atın. Gəlin Azarkeş Zonasını təmiz saxlayaq

Yarış

Yarış seyri

Tribunaya bilet alanlar: Yarışı həm oturduğunuz əla görüntülü yerdən, həm də bütün tribunaların qarşısında yerləşən böyük monitorlardan izləyə biləcəksiniz. Digər azarkeşlərin yarışı izləməyinə mane olmamaq üçün, zəhmət olmasa, tribunalarda tripod və selfi çubuqlarından (monopod) istifadə etməyin. Həmçinin, güclü yağıntı olmadığı müddətdə çətirləri də qapalı saxlamağınızı xahiş edirik.

Ayaqüstü zonaya bilet alanlar: Ən yaxşı yarış anlarını Bənövşəyi, Mavi və Qırmızı zonalardan izləmək üçün əla fürsətiniz var.

Qeyd: Əyləncə zonasının xəritəsini diqqətlə öyrənin və yarışı izləmək üçün ən əlverişli yerləri öncədən müəyyənləşdirin. Xəritəni bütün Məlumat məntəqələrindən əldə edə bilərsiniz.

Tribunalar

Əyləncə Zonası boyunca 9 tribunamız yerləşir

Əsas tribuna sayılan Abşeron tribunası F1 Əyləncə Zonası/Bənövşəyi zonada yerləşir və adrenalin dolu yarışın start/finiş anını izləməyə imkan verir. Möhtəşəm Açılış Mərasimi də, həmçinin, bu tribunanın önündə keçiriləcək.
Mavi Zonada 3 tribuna yerləşir: Bulvar, Sahil və Xəzər.
Qırmızı Zonada 4 tribuna yerləşir: Muğam, Qız Qalası, Azneft və Filarmoniya.
Yaşıl Zonada 1 tribuna yerləşir: İçərişəhər.
Tribunadakı oturacağınızla bağlı hər hansı bir problem yarandıqda və ya kimsə sizin yerinizə oturduqda, yaxud tribunadakı monitor işləmədikdə yaxınlıqda olan tribuna əməkdaşına müraciət edin.
Tribunaların dəqiq yerlərini öyrənmək üçün bu keçidə istinad edə bilərsiniz.

Əyləncə Zonası

Əyləncə zonası boyu hərəkət

Əyləncə Zonası 3 zonaya bölünür: F1 Azarkeş Zonası/Bənövşəyi zona, Mavi zona və Qırmızı zona. F1 Azarkeş Zonası/Bənövşəyi zona (ən böyük), həmçinin Mavi və Qırmızı zonalar dənizkənarı Bulvar ərazisində yerləşir. F1 mövzulu instalyasiyaları ilə Bənövşəyi zonada hər kəs Formula 1 həyəcanını daha yaxından hiss edə bilər. Azərbaycan və onun mədəniyyəti bütün Formula 1 azarkeşlərinin marağını cəlb edir və bu nöqteyi-nəzərdən Mavi zona Azərbaycanı daha yaxından tanımaq istəyənlər üçün instalyasiyalarla zəngin olacaq. Qırmızı zona daha əyləncəli, böyüklərin və uşaqların maraq dairələrinin kəsişdiyi çoxsaylı ailəvi proqramlara və instalyasiyalara malikdir. Hər bir zona barədə ətraflı məlumatı bu keçiddən əldə edə bilərsiniz.

Əyləncə zonası təxminən 64 futbol sahəsi böyüklüyündədir. Bulvar ərazisinə daxil olan F1 Azarkeş zonası/Bənövşəyi zona, həmçinin Mavi və Qırmızı zonalar 2 km ərazini əhatə edir (Abşeron tribunasından Yaxt-kluba qədər olan məsafə). Zonalar arasında fiziki sərhədlər olmadığından bir zonadan digərinə keçməklə müxtəlif əyləncə proqramlarından yararlana bilərsiniz. Zonalarda daha sürətli hərəkət etmək istəyirsinizsə, ərazi boyu fəaliyyət göstərəcək kiçik qatarlardan istifadə edə bilərsiniz.
Avtoqraf sessiyaları: Formula 1 Azərbaycan Qran Prisi 2022 günlərində baş tutacaq və olduqca populyar olan Avtoqraf sessiyaları zamanı siz pərəstiş etdiyiniz F1 pilotları ilə maksimum yaxın olmaq imkanı əldə edəcəksiniz. Sevimli pilotunuzla görüşün, selfi çəkin, ondan avtoqraf alın. Sessiyalar şənbə günü əsas F1 səhnəsində baş tutacaq.
Azarkeş Zonası boyu yerləşən məlumat nöqtələrindən ətraflı məlumat almaqla zonaları daha rahat gəzə biləcəksiniz.
Tədbir bələdçisini (xəritə daxil) və şəhər bələdçilərini (Azərbaycan, rus və ingilis dillərində) bütün girişlərdə və məlumat nöqtələrində yer alan stendlərdəki QR kodu skan etməklə əldə edə bilərsiniz.
Əyləncə Zonasında asanlıqla hərəkət etmək üçün ərazidə yerləşən böyük xəritələrdən də istifadə edə bilərsiniz.
Qeyd: Daha rahat ayaqqabı geyinməyiniz tövsiyə olunur.

Trek fəaliyyətləri

Pit Leyn Gəzintisi

4 günlük bilet əldə etmiş hər bir kəs iyunun 9-u baş tutacaq 4 Günlük Bilet Sahiblərinin Pit Leyn Gəzintisinə dəvət olunur. Bu gəzinti əsas tribunanın qarşısındakı Start/Finiş xəttindən pit leyn boyunca F1 Azarkeş Zonasına qədər davam edəcək. Bu, F1-in ürəyində olmaq, Qran Pri öncəsi öz bolidləri üzərində işləyən komandaları və onların son hazırlıqlarını izləmək üçün unikal fürsətdir

Dövlət Himni Mərasimi

Azərbaycana və bu möhtəşəm yarışda iştirak edən bütün digər ölkələrə hörmət əlaməti olaraq keçirilən Dövlət Himni Mərasimi Formula 1 Azərbaycan Qran Prisi ilə əlaqəsi olan hər bir kəs üçün qürurverici andır. iyunun 12-si, yarışdan öncə baş tutacaq mərasimdə siyasi fiqurlar, F1-in rəsmi nümayəndələri və bütün pilotlar iştirak edəcək.

Podium Mərasimi (Trekə giriş)

Bazar günü, yarış bitdikdən sonra baş tutacaq Podium mərasimində ilk 3 yeri tutmuş pilotlar bu uğurlarını və sevinclərini öz azarkeşləri ilə bölüşəcək. Mərasimdən öncə F1 Azarkeş zonasındakı trek qapıları açılacaq və siz podiuma daha yaxın gələrək qaliblərə dəstək ola biləcəksiniz!

Vacib məqamlar

Qida və içkilər

Azarkeş zonası boyu siz həm milli, həm də beynəlxalq mətbəxdən (kabab, pizza, hotdoq, şaurma, dondurma, sərin içkilər və s.) təklif edilən təamları dadıb zövq alacaqsınız.

Həmçinin zəngin Azərbaycan milli mətbəxini dada biləcəyiniz restoranlar zövqünüzü oxşayacaq. Bundan başqa, Azarkeş Zonası boyu alkoqollu içkilər təklif edilən barlar mövcuddur.
Yemək və İçki köşklərinin, restoran və barların dəqiq yerlərini bilmək üçün xəritədən istifadə etməyiniz tövsiyə olunur.
Ödəniş nağd və bir çox yerlərdə kredit kartları ilə də mümkündür.
İş vaxtları:
9 iyun, 10:00 - 21:00 (F1 Azarkeş Zonası)
10-11 iyun, 10:00 - 21:00 (Bütün zonalar)
12 iyun, 10:00 - 20:00 (Bütün zonalar)

Pul və valyuta

Milli valyuta Azərbaycan manatıdır.

Cari məzənnə ilə 1 dollar təxminən 1.70 AZN-ə bərabərdir.
Ən yaxın ATM (bankomat) Park Bulvar AVM-də yerləşir (birinci mərtəbə və -1 parkinq)
Ən yaxın valyuta dəyişmə məntəqəsi Park Bulvarda (1-ci mərtəbə), və Nizami küçəsində yerləşir.
Ödənişlər həm nəğd, həm də kart vasitəsi ilə mümkündür. Bütün Yemək və İçki köşklərində, Alkoqol barlarında, merçendayz mağazalarında və restoranlarda POS-terminal cihazları mövcuddur.

BŞH rəsmi mağazaları:

Bakı Şəhər Trekinə məxsus əşyaları, o cümlədən geyim və suvenirləri Azarkeş Zonası boyunca yerləşən rəsmi merçendayz mağazalarından əldə edə bilərsiniz.

Üstəlik, bu mağazalarda qulaq tıxaclarının satışı həyata keçirilir.
Ödəniş həm nağd, həm də kart vasitə ilə mümkündür.
Rəsmi merçendayz mağazalarının iş vaxtları:
9 iyun, 10:00 - 21:00 (F1 Azarkeş Zonası)
10-11 iyun, 10:00 - 21:00 (Bütün zonalar)
12 iyun, 10:00 - 20:00 (Bütün zonalar)

Tibb və təhlükəsizlik

Fiziki məhdudiyyətlilər və onların təkərli oturacaqları üzrə xidmətlər:

Təkərli oturacaq dəstəkli yerə bilet alan, təkərli oturacaqda olan tamaşaçılar onları müşayiət edən şəxs üçün də əlavə bilet əldə edəcəklər. Qeyd edək ki, təkərli oturacaqda olan tamaşaçıları müşayiət edən şəxslər zonaya yalnız həmin tamaşaçı ilə birgə daxil ola bilərlər.

Siz zonaya F1 Azarkeş Zonası/Bənövşəyi zonadan və Qırmızı zonada əlil arabaları üçün nəzərdə tutulmuş yerlərdən daxil ola bilərsiniz. Təəssüf ki, fikizi məhdudiyyətli arabalarını hərtərəfli yoxlamaq üçün piyada girişlərində təhlükəsizlik avadanlığı yoxdur. Buna görə də sizə Dəniz Vağzalı (F1 Azarkeş Zonası/Bənövşəyi zona) və ya Yaxt Klub (Qırmızı zona) qarşısında yer əldə etmək üçün şərait yaradılıb.
Yardıma ehtiyacınız olduğu təqdirdə ən yaxın Məlumat nöqtəsinə müraciət edə və Hərəkət Məhdudiyyətli Şəxslər üçün Nəqliyyat Xidmətimiz barədə məlumat əldə edə bilərsiniz.
Unutmayın ki, qolf maşınları tamaşaçıların ümumi daşınması üçün deyil, yalnız fiziki məhdudiyyətli sərnişinlərin daşınması üçün nəzərdə tutulub.

Təkərli oturacaqlarda olan tamaşaçılar yarışı Abşeron tribunasının E sektorundan (F1 Azarkeş Zonası/Bənövşəyi zona) və Azneft tribunasından (Qırmızı zona) rahat və möhtəşəm görüntü ilə izləyə biləcəklər.
Xüsusi təlimat keçmiş işçi heyəti fiziki məhdudiyyətli tamaşaçılara tribunada yer almaları üçün yardımçı olacaq.
Fiziki məhdudiyyətli tamaşaçılar üçün bütün Əyləncə Zonası boyu tualetlər nəzərdə tutulub
Təkərli oturacağa ehtiyacı olmayan fiziki məhdudiyyətli tamazaçılar nəzərə almalıdırlar ki, Əyləncə Zonasında yarışın keçirildiyi yerə qısa olmayan məsafəni qət etməlidirdir.
Bütün Məlumat nöqtələrində sizə fiziki məhdudiyyətlilər üçün arabalar təqdim olunur. Siz depozit və ya şəxsiyyət vəsiqənizi qoymaqla bu arabaları icarəyə götürə bilərsiniz.

Tibb və ilk yardım

Tibb məntəqələri bütün Azarkeş Zonası boyu mövcuddur və xəritədə xüsusi olaraq qeyd olunub

Səhhətinizlə bağlı hər hansı bir narahatlıq yaşadığınız təqdirdə ən yaxın tibb məntəqəsinə müraciət edin və ya işçi heyətindən sizin üçün həkim çağırmasını istəyin.
Məntəqələrin yerləri xəritədə qeyd olunub.

Təhlükəsizlik

Trekə gəlmədən öncə yerli xəbərləri izləməyinizi və hava haqqında əvvəlcədən məlumat əldə etməyinizi tövsiyə edirik. Həmçinin yarış həftəsonuna yaxın bir vaxtda bakucitycircuit.com rəsmi səhifəsinə daxil olaraq ən son yeniliklər barədə məlumat almağa çalışın.

Qiymətli əşyalarınıza hər zaman nəzarət edin (pulqabı, pul, kredit/debet kartları və mobil telefon)
Qran Priyə dostlarınızla birgə gəlmisinizsə, hər hansı səbəbdən qrupdan ayrıldığınız təqdirdə toplanacağınız görüşmə nöqtəsini öndəcən təyin etməyiniz tövsiyə edilir.
F1 yarış həftəsonu günləri görməli və etməli olduqlarınızla zəngindir. Telefonunuzun enerjisi bitdiyi təqdirdə ayrı düşdüyünüz qrupla əlaqə saxlaya bilməyiniz üçün mühüm nömrələri harasa qeyd etməyiniz və ya yadda saxlamağınız tövsiyə olunur.
Həddən artıq sərxoş insanların toplandığı yerlərdən uzaq olmağa çalışın. Əgər hər hansısa bir şəxs çox içkili və ya aqressivdirsə, təhlükəsizlik və ya polis əməkdaşlarına bu barədə məlumat verməkdən çəkinməyin.

Fövqəladə hallar

Qəza siqnalı və ya elanı səslənərkən sakit qalmağa çalışın.
Mövcud vəziyyət və əməliyyat proseduru haqda təlimata qulaq asmağa davam edin.
Xəritədə olduğunuz nöqtəyə ən yaxın giriş və çıxış qapılarının yerini öncədən öyrənin.
Evakuasiya zamanı xilasedicilər və ya təhlükəsizlik əməkdaşları tərəfindən göstərilən martşrut üzrə hərəkət edin. Qısa yol tapmağa cəhd etməyin, bu zaman siz həm özünüz, həm də ailəniz üçün təhlükə yaradırsınız.
Əyləncə Zonasındakı fövqəladə hallar zamanı istifadə olunacaq Qəza Toplanış Nöqtələri ilə tanış olun. Nəzərə alın ki, qəza çıxışları Giriş Qapılarından fərqlənir. Uniformada olan işçi heyəti və təhlükəsizlik əməkdaşlarının göstərişlərinə əməl edin.

İtmiş Əşyalar

Əgər siz gün ərzində hansısa əşyanı itirmisinizsə, bu barədə Məlumat nöqtələrinə müraciət edin. İtmiş əşyalarınız tapılan kimi sizinlə əlaqə quracağıq.
Övladınız itdiyi təqdirdə ən yaxın Məlumat nöqtəsinə, təhlükəsizlik əməkdaşına və ya Əyləncə Zonası heyətindən olan istənilən işçiyə bu barədə məlumat verin
Habelə, Əyləncə Zonasında hər hansısa bir əşya tapdıqda yaxınlıqda yerləşən Məlumat nöqtəsinə təqdim etməyiniz xahiş olunur.

Saat qurşağı

Azərbaycanda vaxt (UTC+4) saat qurşağına əsasən hesablanır.

İş saatları

İş vaxtı bazar ertəsindən cümə gününədək saat 09:00-dan 18:00-a qədərdir. Banklar saat 09:00-dan 18:00-a qədər açıq olurlar, amma əməliyyatlar saat 09:30-dan 17:00-a qədər həyata keçirilir. Mağazalar adətən həftənin 7 günü açıq olur və saat 09:30 və ya 10:00-dan 20:00-a qədər işləyir. Barlar və restoranlar adətən 23:00-a qədər fəaliyyət göstərir.

Dil

Ölkənin rəsmi dili Azərbaycan dilidir, amma əksər insanlar rus, türk və ingilis dillərində də danışa bilirlər.

Telefon

Azərbaycanın ölkə kodu +994-dür, Bakının kodu isə 012-dir. Azərbaycandan beynəlxalq xəttlərə çıxış üçün beynəlxalq kod 00-dır və bu kod digər ölkələrə zəng etdikdə ölkə və şəhər kodundan əvvəl yığılmalıdır. Azərbaycanda mobil telefon nömrələri 10 rəqəmdən ibarətdir və bu nömrələr 050 və ya 051 ilə başlayır. Azərbaycan daxillində zəng etmək üçün bütün 10 rəqəm yığılmalıdır. Məsələn: 050-123-XXXX. Xarici ölkələrdən Azərbaycana zəng etdikdə ölkə kodu nömrəyə əlavə olunur və 1 sıfır silinir. Məsələn: +994-50-123-XXXX.

Siqaret çəkmək

Azərbaycanda ictimai yerlərdə, habelə bir çox restoran və barlarda siqaret çəkməyə icazə verilir. Siqaret çəkmək üçün ayrılmış xüsusi məkanlar istisna olmaqla, Bakı Şəhər Halqasının heç bir hissəsində siqaret çəkmək olmaz.

Elektrik cihazları

Azərbaycanda standart elektrik təminatı 220 voltdur. Elektrik cihazları və qurğularının 2-bağlı ştepsel başlıqları Avropada standartı olan 220-240 volta uyğundur.

Banklar və kredit kartları

Bakıda bir çox yerlərdə bankomatlar var və demək olar ki, onların hamısı beynəlxalq debit və kredit kartlarını qəbul edir. Bankların əsas filialları bazar ertəsindən şənbəyə (qısa iş günü) qədər işləyir, kiçik filiallar isə şənbə və bazar günləri bağlı olurlar. Beynəlxalq kredit və debit kartları restoranların və böyük mağazaların əksəriyyətində qəbul olunur.

Valyuta

Azərbaycanın milli valyutası Azərbaycan manatıdır (AZN). 1 manat 100 qəpiyə bərabərdir. Manatın 1, 5, 10, 20, 50 və 100-lük əskinasları var. Azərbaycandan kənarda digər valyutaları AZN-ə dəyişmək mümkün deyil. Buna görə də ölkəyə gələnlər hava limanındakı valyutadəyişmə məntəqəsindən və şəhərdəki bankomatlardan istifadə etməlidirlər.

Vergilər (ƏDV)

Azərbaycanda Əlavə Dəyər Vergisi (ƏDV) sistemi bir çox Avropa ölkələrində tətbiq edilən sistemə bənzəyir və ƏDV satılan mallara və göstərilən xidmətlərə, habelə idxal olunmuş malların qiymətinə əlavə olunur. ƏDV ödəyiciləri, ƏDV tətbiq olunmuş məhsullara ƏDV məbləğindən artıq vəsait ödədikləri halda, ƏDV məbləğindən artıq olan vəsaiti bərpa edə bilərlər.

Çaypulu

Azərbaycanda xidmət üçün çaypulu verilməsi tələb olunmur, amma Bakıda geniş yayılıb. Bəzi mötəbər restoran və otellərdə xidmət rüsumu hesaba daxil edilir. Dünyanın hər bir yerində olduğu kimi gostərilən xidmətin səviyyəsi orta səviyyədən yuxarı olarsa, xidmətə görə çaypulu vermək yüksək qiymətləndirilir.

Avtomobil icarəsi

Avtomobili icarə etmək üçün bir çox şirkətlərə müraciət edə bilərsiniz. Bakıda avtomobillərin icarəsi üzrə mövcud olan şirkətlərdən ən məşhurları Cars4RentBaku.com və Azrent.az şirkətləridir.

Taksi xidmətləri

Taksi xidmətinə ehtiyacınız olduğu halda adi taksilər üçün +994125653189 nömrəsinə, ənənəvi “London taksiləri” üçün +994124041238 nömrəsinə zəng edin.

Bülletenə abunəlik