Fevral

04

BŞH Akademiyası könüllülərin yüksək səviyyədə hazırlığının təşkilinə görə mükafatlandırılıb

FORMULA 1 AZERBAIJAN GRAND PRIX

Bakı Şəhər Halqası Əməliyyat Şirkəti (BŞH) Akademiyası “2 fevral - Azərbaycan Gəncləri Günü” münasibətilə keçirilən tədbirdə Formula 1 Azərbaycan Qran Prisinə könüllülərin yüksək səviyyədə hazırlığının təşkilinə görə gənclər və idman naziri Azad Rəhimov tərəfindən xüsusi mükafata layiq görülüb.

Bakı Şəhər Halqası Əməliyyat Şirkəti (BŞH) Akademiyası “2 fevral - Azərbaycan Gəncləri Günü” münasibətilə keçirilən tədbirdə Formula 1 Azərbaycan Qran Prisinə könüllülərin yüksək səviyyədə hazırlığının təşkilinə görə gənclər və idman naziri Azad Rəhimov tərəfindən xüsusi mükafata layiq görülüb.

Fəaliyyətə 2017-ci ilin məhz Gənclər Günündə başlayan akademiya bir tərəfdən könüllüləri Formula 1 Azərbaycan Qran Prisinə hazırlayır, digər tərəfdən müxtəlif mövzularda təlim və seminarlar təşkil etməklə onların şəxsi və peşəkar inkişafına dəstək göstərir. Hər il akademiyada 3 minə yaxın könüllü sözügedən fəaliyyətlərdə iştirak edərək yeni bilik və bacarıqlar əldə edirlər.

 

Bundan başqa, BŞH Akademiyasında gənclərin inkişafı ilə yanaşı onların əldə etdiyi təcrübəni müxtəlif sahələrdə tətbiq etmələrinə də xüsusi diqqət ayrılır. Belə ki, 5 oktyabr 2018-ci il tarixində akademiyada könüllülərin ölkədə fəaliyyət göstərən böyük şirkətlərdə təcrübə proqramı keçməsi, həmçinin onların işlə təmin olunması ilə əlaqədar “Böyük imkanlara kiçik addım” adlı karyera yarmarkası keçirilib və bu yarmarkada 900-dən çox könüllü iştirak edərək təklif olunan müxtəlif imkanlardan səmərəli şəkildə yararlana bilib.