2022 Formula 1 Azərbaycan Qran Prisinə hazırlıq çərçivəsində tikinti işlərinə start verilib

Yarış zamanı vətəndaşların və sürücülərin təhlükəsizliyini təmin etmək məqsədilə istifadə olunan beton blokların quraşdırılmasına 15 aprel, gecə saatlarında, saat 23:00-dan etibarən başlanılacaq. 

Tikinti-quraşdırma işləri Bülbül prospektinin və Xəqani küçəsinin kəsişməsindən başlayıb bütün yarış trekini əhatə edəcək. 

Ötən ildən fərqli olaraq, builki yarış tamaşaçıların iştirakı ilə keçiriləcəyi üçün artıq Dənizkənarı Milli Park ərazisində tribunaların quraşdırılmasına da başlanılıb. 

Qeyd edək ki, aprel ayının 18-dən etibarən Paddok ərazisinin infrastruktur-quraşdırma işlərinə də start verilir.

Şəhərin qeyd olunan hissələrində görüləcək olan işləri nəzərə alaraq vətəndaşlardan avtomobil idarə edərkən daha diqqətli olmaları xahiş olunur. 

Bakı Şəhər Halqası Əməliyyat Şirkəti vətəndaşlara tikinti-quraşdırma işləri zamanı göstərdikləri anlayışa görə öncədən təşəkkür edir.