Məşhur superulduz və çoxsaylı mükafatlar laureatı J Balvin Formula 1 Qatar Airways Azərbaycan Qran Prisi 2024 çərçivəsində sentyabrın 14-də Bakıda səhnəyə buyuracaq.

Bakı Şəhər Halqası Əməliyyat Şirkəti (BŞH) açıqlayıb ki, dünyaca məşhur ulduz və Latın Qremmi mükafatı da daxil olmaqla çoxsaylı musiqi mükafatı laureatı J Balvin Azərbaycan Qran Prisi həftəsonu Crystal Hall-un səhnəsinə buyuracaq. #AzerbaijanGP-nin tribunalarına bilet əldə etmiş şəxslər konsertdə pulsuz iştirak edə biləcəklər.

Kolumbiyanın Medellin şəhərindən olan J Balvin Billboard musiqi mükafatı və Latın Qremmi də daxil olmaqla bir çox mükafat qazanıb. 35 milyondan çox albomu sataraq , o, qlobal yayımlanan top 10 sənətçi siyahısına daxildir. Musiqi və moda kimi sahələrlə maraqlanan J Balvin, müxtəlif istiqamətlərdə uğurla irəliləməyə davam edir.

Biletləri www.bakucitycircuit.com saytından, rəsmi mobil tədbiqimizdən və şəhərimizin kassalarından əldə etmək olar.